අලුත් අමුත්තීගෙන් පණිවිඩයක් ( නිසඳැස් )

Sethmini Dileka

Faculty of Arts

University of Colombo

සොහොන්පල්ලෝ

ඇයි මැදියමේ ඇහැරන්

ගෙදරවත් නොයා

නිදි කිරමින්

රකින එක මගෙ වගකීම

ඔය මළවුන්

රාජකාරිය දේවකාරිය

ඒ නිසයි ඉන්නේ මං

"බොරු බොරු"

අනේ දැරිවියෙ මොකද මේ

නීල ඇස් වල කඳුලු පුරවන්

දෙතුන් දොහොකට කලියෙන්

රකුසු වෙස් ඇති පහක් මකරුන්.

පිඹපු ගිනි ජාලාවෙන්

පිච්චුණා මා රුදුරු අයුරින්

හුස්ම නැවතුණි රහසින්

සොහොන්පල්ලෝ අහපන්

දෑස මානෙන් තියාගෙන උඹෙ

පුංචි දෝණිව රැකපන්

වගකීම බල්ලට දමාපන්

මගේ තව මොනවා රකින්නද

දැන් ගෙදර උඹ පලයන්