ආදරණීය ලින්කන් (පද්‍ය)

Chandima Supun

Faculty of Law

University of Colombo

ආදරණීය ලින්කන් වෙත,

සන්ගමොන් තෙර ඇවිද යන්නට

අපිට අපි නැති දිනක් ඒවී

නිව් සේලම් නගර වීදියෙ

මතක පමණක් ඉතුරු වේවී

කොන්කෝඩ් වෙත යනෙන තරමට

ඔබ මගෙන් බෝ දුර ඇදේවී

විපර්විල් හඬ ඇසෙන හැමතැන

අපේ මතකය අවධි වේවී

තිරිඟු වපුරා පිඟන් පිසලූ

සතුට විතරක් රැගෙන යාවී

ඕක් සෙවනේ තුරුලු වෙන්නට

ඒබ්, කිසිදා මා නොඒවී

- ඈන්