බම්බුවෙ සහෝදරයා

Chandima Supun

Faculty of Law

University of Colombo

ගිනි අව්වේ කජු බදින

මාවෙතට පැමිණි

බම්බුවේ සහෝදරයා

හිස්කබල ගලවා

මොළය ඉවතට ගෙන

මිටියයි දෑකැත්තයි හොවා

කජු මිටක්වත් නොගෙනම

යන්නට ගියේය.

ටික දිනකට පසු

නූල් බැන්දත්

සනීප නොවෙන තරමට

මගෙන් කජු කෑ මහත්වරු

හීනෙන්විත්

මා නසන්නට විය.

සොය සොයා

කොටන්නට විය.

හිස්කබල නැතිව

මගමග ගමන් ගත්

පැරණි මිතුරෙකු

මගේ මේ අමුතු ලෙඩට

වෙදදුරෙක් රෙකමදාරු කොට

අරගලයට ජයපතා

යන්නට ගියේය.

පසුදින උදෑසන

ලෙඩය ගැන

විස්තර විචාරයක් ද

කල්තියා සූදානම් කොට ,

මිතුරා ලබාදුන් ලිපිනයට ගොස්

මම

දොරට තට්ටුවක් දැම්මෙමි.

අන්දුන් කුන්දුන් වුණෙමි...

බයිනෙත්තු ඩිස්පැන්සරියක

මේස කබලක් ඉදිරිපිට

බම්බුවේ සහෝදරයා

වාඩිවී සිටියේය.