මැරිච්ච දස්කොන්ට රජ්ජුරුවන්ගෙන් පණිවිඩයක්

Amesh Udayanga

Faculty of Engineering

University of Peradeniya

අකුණු පාර වගේ සැරට කඩු මුවහත ලෙලදෙද්දි

බෝගම්බර දංගෙඩියත් උඹෙ රුහිරෙන් දිය වෙච්චි

වැලි කෙලියේ පටන් දැකපු මුදු හසරැලි සිහිවෙද්දි

සෙංකඩගල සිරි යහනෙත් මං විතරක් තනිවෙච්චි

බිසව් ඇවිත් යහන් ගැබට දුහුල් සාළු ඉහිරෙද්දි

හිතේ තිබුණේ විස්සෝපෙයි රාගය නෑ ඇවිලිච්චි

ප්‍රමිලා උබ ගැන හිත හිත හඟුරන්කෙත වැළපෙද්දි

දැනුණා මට පෙමක මහිම මං පරක්කු වැඩි වෙච්චි