මට බෑ දෙමළෙන් ලියන්න

Amesh Udayanga

Faculty of Engineering

University of Peradeniya

පිච්ච කැකුළු බැඳි කෙහෙරැළි

ගමන් තාලයට පැද්දෙන

යාල් දේවියෙන් උතුරට එන්න කියනවා

අලි මංකඩ තොට කොණකින්

පපුව ගැහෙන තාල අහන්

ඉර බැස යන අහස බලන් හිඳිමු කියනවා

දීපාවලි හඳ හොරාට

ගිතෙල් පහන් පත්තු කරන්

දේවී එක්ක මහ කෝවිල් එන්න කියනවා

ආසයි දෙවියන් වඳින්න

උබට ඇහැකි කැළණි එන්න

කැඩිච්ච පාළම අලුතෙන් බඳිමු ද දෙන්නා